يابنت روحي ورثي الحـب للنـاس
قولي توفى شيء وأسمه ( محّبـه )
يمكن يتوب اللي بلا قلب و إحسـاس
ويراجـع ايـام الخـطـا ويتنـبّـه
صار الهوى لعبه على كـل مـرواس
عجيب هذا الوقت ربـي .... وربّـه
عشان أحبك هات لي خاتم ( ألماس )
( و رصيدي ) خلص دز لّّّيّ كرت عبّه
هذاك يبغى حب يرفـع بـه الـراس
وهذا يهين الـراس لـو كـان حبّـه
كلٍ على الثانـي يطقطـق وهـلاس
ونور الحقيقـه مابـه أحـد ٍ يشبّـه
هذا الذي صاير بـلا عـد وإقيـاس
وآخر طريق الحـب , ذم , ومسبّـه
الحب ماهو هرج فاضي بـلا سـاس
الحب كنه .... نهر يـروي مصبّـه
الحب أسمى من أكاذيـب الانجـاس
يبقى .... ولو كـل الاوادم , تذبّـه
لاباس ياقلبـي بمـا صـار لابـاس
عيبك ! صدوق وعيبك اليـوم خبّـه
مدام بحـر الحـب بالكـذب ينـداس
مالـك , ومالـه طالبـك لا تطـبّـه
البنت راحت ! ترثي الحـب للنـاس
قالت توفى شـيء و أسمـه محبـه
الرئيسية 
التسجيل 
دخول 
الأربعاء ديسمبر 12, 2007 3:27 pm